Categories

Site Information

 Loading... Please wait...

Blog

جانیئے زیتون کے چند حیرت انگیز فوائد

Posted by Saloni Editorial Head (Umair Hassan) on

قدیم مصری شہریوں کی جانب سے طبی مقاصد کے لیے استعمال کیے جانے والے زیتون کے پتوں کو کبھی طاقت کی علامت تصور کیا جاتا تھا۔ اس کا استعمال اب بھی متبادل طبی معالجوں کی جانب سے کیاجاتا ہے، جن کا ماننا ہے کہ زیتون کا پھل، پتے اور تیل درج ذیل میں دیئے گئے فوائد کے حامل ہیں۔

موسمی بیماریوں سے بچاؤ

زیتون کے پتوں کو کچلنے کے بعد ایک برتن میں پکالیں اور اسے اٹھنے والی بھانپ میں دن میں دو بار منہ ڈال کر کچھ مںٹ تک سانس لیں۔ اس عمل سے سردی، گلے کی خرابی، سانس کی نالی میں رکاوٹ اور دمے جیسے امراض کی تکلیف میں کمی آتی ہے۔

آدھے سر کے درد کا علاج

درد شقیقہ (آدھے سر کے درد) سے دو چار افراد زیتون کے گرم تیل کو اپنی پلکوں پر لگا کر مساج کریں۔ اس سے اعصاب کو آرام ملے گا اور درد سے نجات حاصل مل سکے گی۔

دل کی صحت کو بہتر کرتا ہے

امراضِ قلب کے معالجین ایسے لوگوں کو جو دل کی بیماریوں میں مبتلا ہوں انہیں زیتون کے تیل کا زیادہ سے زیادہ استعمال کرنے کی تجویز کرتے ہیں۔ اس تیل کا استعمال بلڈ پریشر اور کولیسٹرول کی سطح کو بہتر رکھتا ہے۔ ہر صبح تیل کے چند قطرے پینے سے شریانوں کی صفائی ہوتی ہے جبکہ دل کی جانب جانے والی شریان میں خون کی فراہمی میں بھی اضافہ ہوتا ہے۔

خوبصورت اور صحت مند بال

زیتون کے تیل کا لیموں کے رس کے ساتھ پیسٹ بنا کر بالوں پر لگایا جائے، تو اس سے بالوں کے گرنے سے نجات حاصل ہو سکتی ہے، ساتھ ساتھ خشکی سے بھی چھٹکارا مل سکتا ہے۔ لمبے بالوں کے لیے بھی زیتون کا تیل کافی مفید ہے۔

چمک دار جلد کے لیے

زیتون کے تیل کے پتوں کے عرق سے نکالی جانے والی چکنائی آئلی اور کیل مہاسوں سے متاثرہ جلد کے لیے مثالی نمی فراہم کرتی ہے، جس کی وجہ اس کے اندر موجود ایسی خصوصیات ہیں، جو جلد کی لچک کو بحال کرتے ہوئے، جھریوں کی روک تھام کرتی ہیں۔ حال ہی میں کی گئیں کچھ تحقیقی رپورٹس کے مطابق زیتون کا تیل جلد کے کینسر سے بھی بچا سکتا ہے۔

Back to Top